SI er ein forvaltningsetat som ligg direkte under Finansdepartementet.
SI har mange ulike innkrevjings-oppgåver. Verksemda til SI blir regulert av fleire ulike lovheimlar og instruksar. SI har to avdelingar som handsamar krava.

Kreditoravdelinga
Kreditoravdelinga handsamar stort sett søknader om frivillige betalingsordningar som avdrag og utsetjing, i tillegg til gjeldsordning og forvaltning av pant.
Verksemda til denne avdelinga er i utgangspunktet regulert av mellom anna forvaltningslova, gjeldsordningslova og straffeprosesslova.
I klagesaker er det Finansdepartementet, andre oppdragsgjevarar eller Statsadvokaten i Nordland (straffesaker) som er overordna instans.

Namsmannsavdelinga
Namsmannsavdelinga krev inn ubetalte beløp ved tvang. Pengane blir kravde inn gjennom utleggstrekk i løn eller trygd og utlegg i formuesgode. Verksemda til denne avdelinga er hovudsakleg regulert av tvangsfullføringslova, dekningslova og straffeprosesslova.

I klagesaker er Rana tingrett overordna instans.